انصار: (د تله ۱ )، په هند کې د درجه بندۍ یوې ادارې هارن انډیا یو راپور خپور کړی چې پکې په هند کې د هغو کسانو نوملړ شامل دی چې د میلیاردونو روپیو خاوندان دي.
د هارن انډیا له خوا په خپور شوي لیست کې 539 کسان شامل دي او په هغه کې د هر کس انفرادي شتمني دا مهال په هندي اسعارو کې شاوخوا 4600 کروړه اټکل شوې ده.
په داسې حال کې چې جوهي چاوله له شاهرخ خان وروسته د بالیووډ تر ټولو شتمنه اداکاره ده.
د شاهرخ خان ټوله شتمني په هندي اسعارو کې له اووه زره کروړه ډالرو ډېره ده.
د راپور له مخې، د جوهي چاوله د شتمنۍ د ډېرېدو لوی لامل د هند غوره لیګ (IPL) لوبډلې کلکتې نایټ رایډرز (KKR) په مالکیت کې د هغې د خاوند جې مهیتا او د اداکار ملګري شاه رخ خان ملګرتیا ده.
د فوربس پر اساس KKR په 2022 کې 1.1 ملیارد ډالر ارزښت لري چې په هندي اسعارو کې نهه زره یو سلو دېرش کروړه دي.
د زي نیوز د راپور له مخې، جوهي چاوله له خپل میړه جې مهتا سره د ممبۍ په یوه خورا قیمتي سیمه، ملبیري هیلز کې ژوند کوي.
د جوهي چاوله او شاه رخ خان په ګډون د بالیووډ څو نور شخصیتونه هم د شتمنو کسانو په لیست کې شامل دي.
د هند تر ټولو بډایه اداکاره څوک ده؟
د هند تر ټولو د شتمنو کسانو په لیست کې اداکاره جوهي چاولا ده.
جوهي چاوله په ۱۹۸۴ کال کې د مس انډیا لقب تر ګټلو وروسته په ۱۹۸۶ کې له «سلطنت» فلم سره د اداکارۍ پیل وکړ. جوهي چاوله په ۱۹۸۸ کال کې د قیامت سې قیامت تک په فلم کې د عامر خان د هیروین رول لوبولی و.
URL تعقيب: https://www.ansarpress.com/pashto/33564
